Apr 16, 2012

Ayoko! Amin Lang Si Baby!

Nacurious ba kayo sa title mga blogkada? Well, Talagang kacurious-curious ang ikukuwento ko. 
Naalala ko lang kasi nung nasa Bicol pa kami ng aking mahal na pamilya nakatira. Baby o sanggol pa ang bunso namin noon. Yung tipong hindi magsusurvive kung wala syang gatas na iniinom. At siyempre pa, dahil sa mahal ang gatas, mas mainam at mas malusog kung gatas ni Ina ang kanyang tatangkilikin, diba? Oo, siyang tunay. Gatas ni Ina ang kanyang pagkain sa araw-araw. 

Sa mga panahong yon, yung pangalawa sa bunso, ay sobrang protective sa baby bunso. Ang katunayan nyan, sa pitong magkakapatid, siya ang pinakalove na love ang bunso namin. Siguro 4 na taon pa lang siya non. Sa pagkakaalala ko, taong 1995 yun. Nasa panglimang baitang pa lang ang beauty ko. (kung masasabi na ngang beauty yon hahaha!)

Anyway, bigyan ko muna kayo ng konting clue sa napakaliit naming pamilya. Pito lang kaming magkakapatid. Take note, may LANG pa yan. Mula sa panganay hanggang sa akin, taon lang ang pagitan namin. Pangatlo ako sa magkakapatid. Puro kuya ang nauna, dalawang lalaki ulit ang sumunod at dalawang babae ang pinakabunso. Ayan, alam nyo na siguro kung anong gender ng protective kay baby. Tama, babae sya. At "Nani" ang tawag namin sa kanya. Akchuali, madalas may magtanong sakin noon kung bakit madami kami. Nagpaplanning daw ba sina Mama at Papa?? Ang sabi ko, "Oo naman! Sa totoo lang, nagpaplano pa ulit sila ng isusunod sa bunso." Tawa na lang sila. Kasi, tama naman ang sagot ko, diba?

So eto na nga ang kwento. Minsan isang hapon, dumalaw ang lola ko. 'Lelang' na pala to be exact kasi lola na sya ni Mama. Nang paalis na sya, biniro nya ang kapatid kong protective sa bunso. At eto nga ang conversation:

Lola: Akin na lang nene ang baby nyo ah? Uwi ko na sya samin." (habang karga-karga si baby at animo palabas na ng bahay.)

Nani (ang protective 5yr old Ate): "Ayaw! Hindi pwede!" (galit na galit)...

Lola: "Huwag kang mag-alala, aalagaan ko sya ng mabuti. Paiinumin ko din ng gatas".

Nani: HMP! Wala ka namang dede eh! (oops, hindi masyadong sensored yan ah?)

Lola: Meron ah! (sabay ipinakita ang hinaharap nya nang walang patumpik-tumpik! OMG!)

Nani: HMP! Bulok naman yan eh!!! 

Ayan, pagpasensyahan nyo na. Ang bata ay di marunong magsinungaling, tama? Haha! Sa totoo lang, wagas na wagas ang hagalpak namin nila Lola at Mama nang marinig namin ang sinabi ni Nani kay Lola. 

Hindi ko alam kung dapat kong ilink ito sa Happiness is dahil baka dumalaw ang MTRCB. Hahaha!

Hanggang sa muli!
Photobucket

10 comments:

  1. sarap balikan ang ating kabataan

    ReplyDelete
  2. nakakatuwa ang walang muwang na pag-iisip ng mga bata noon. malayang magpahayag ng kung anong nakikita at nasasaisip..

    nawata naman ako sa bulok na dede ng lelang..

    magandang araw sayo ",)

    ReplyDelete
  3. Hahaha! Lokong bata ere. Oo nga naman nagsasabi lang ng totoo ang ineng.Hitik na hitik talaga sa laughter ang mga kwento ng kabataan mo Ning.

    Muling dumadalaw dito para masilayan ang beauty mo. Oist...wait ko yung song mo ha. :)

    ReplyDelete
  4. hala hahaha wawa naman si lola!

    ReplyDelete
  5. Talagang bulok ang ginamit na adjective eh. Haha!

    Dumadalaw para sa Happiness Is. Salamat at napahagalpak mo ako sa share mong ito. Hehe!

    ReplyDelete
  6. kakatawa naman, visiting for happiness is, mine is up at

    http://www.pinaysinglemomsnook.info/my-recent-buy/

    see you around!!!!

    ReplyDelete
  7. kakatawa nmn ng kwento ito at bait ng ate 5 yrs old ng aalaga ng bunso

    ReplyDelete
  8. Hahahah! Sobrang naaliw ako dito sa kwento mo. :-) Tama di marunong magsinungaling ang bata kaya dapat ihanda mo ang sarili mo sa kung ano ang ibubulalas nilang katotohanan. Ika nga, minsan masakit ang katotohanan, depende sa tao. Salamat sa nakakaaliw na post :-)

    ReplyDelete
  9. hehehe, sobrang napatawa ako, kakatuwa naman ang kwento mo! :) ang sarap talagang balik-balikan ang ating mga kabataan at ang galing mo, naaalala mo pa iyong mga ganyang kwento. anyway, visiting from happiness is...hope to see you around. thanks and have a great week. :)

    ReplyDelete
  10. hahahah super galing mo talaga sa kwento Sis Ning :-) ayan Lola ano napala mo hehehe huwag na kasing dalhin c baby heheheh nagalit tuloy c Ate hehehe Dropping by from Happiness Is

    http://www.tropical7107islands.com/2012/04/renew-my-daughters-us-passport.html

    ReplyDelete

Magreact ka lang!

A Song for my Blog Friends

Hello mga teh! Isang awit ang alay ko sa inyo. Namiss ko na kayo e. Sana'y magustuhan nyo! My own version of "I'll Be There...