Sep 16, 2017

A Song for my Blog Friends

Hello mga teh! Isang awit ang alay ko sa inyo. Namiss ko na kayo e. Sana'y magustuhan nyo!

My own version of "I'll Be There" by Julie Ann San Jose.

Mar 31, 2017

Cheers to Pink Nail Polish



I am loving the fair but windy weather today that I went out for a walk with my daughter and enjoyed our time together. It gave me some sense of peace and relaxation and lifted my spirit as i looked up and captured the beautiful formation of the clouds.

The truth is I was feeling so homesick lately that I even cry myself to sleep at some nights but I know that I'll get better as days go by. My family and I moved here in Taiwan for about 8 months now and I could say that the transition has been a little tough for me. You know what they say, it's never easy to leave your comfort zone. What matters most is that we are complete as a family.

So to cheer myself up, I started it with putting some colors to my gloomy world and Im glad I did! Nakakaganda. Nakakauplift at higit sa lahat nakakahappy! Here's to a brighter and blessed days ahead with my pink nail polish! Thank You Jesus for simple things that gives happiness!

Submitting this entry to Pink Fridays!





Photobucket

Feb 15, 2016

Panalangin sa Tula

Aking Panginoon, meron akong mga pangamba. Minsan ay may pagdududa. Ngunit gusto ko pong matigil ito. Dahil sabi sa iyong Salita ay Believe. Tulungan nyo po ako Panginoon. Ayokong manatiling nakakulong sa mga diwang hindi naaayon sa iyong salita. Sa mga mapanlinlang na paniniwala ngunit nakakasira. Paano po Panginoon ako magsisimula? Nais kong lumakad sa landas na ikaw ang may gawa. Hindi ko kailanman nais mapalayo sayo. Kaya ako po Panginoon ay hanguin mo. 

May mga pangyayari na sa mundo na kailanman ay diko inakala. Kung noon ay mahigpit na lihim ang kadiliman ngunit ngayo'y buyangyang na. Hindi na nga lingid sa paningin ng lahat. Kung kaya marami na rin ang tumatanggap sa maling ginawang dapat. 

O Diyos tulungan mo po kaming sumunod sa Iyo. Sa tahaking hindi magpapahamak at tutuwid kung sakali'y kami'y lumiko. Nakakatakot na mapahiwalay sayo Panginoon. Ang hangarin lamang ay makasama ka habang panahon. 

Kaya ngayon Ama, dalangin ko ang Iyong pagsama. Banal na Espiritu ang magdikta upang di mapariwara sa mundong punong puno ng ikakasira. Mapalalim nawa ang relasyon meron ako at Ikaw aking Diyos. Panalangin at Bibliya'y yayakapin ng lubos. At ihanda ang kaluluwa ko sa pagharap sa Iyo Panginoon. Na alam kong ang pagdating mo'y unti unting napapanahon. Mahal na mahal Kita aking Panginoon. Amen!

Photobucket

May 21, 2014

Taiwan Vacation 2014: Sis-in-Law's Wedding

Hello mga blogkada. Mas minabuti ko na lang na i-blog ang mga karanasan dito sa sa Taiwan. Bakasyon galore para sa taong ito. Umalis kami sa Pilipinas noong May 14 at dumating nang matiwasay at safe. 

Hayaan nyong ang mga pictures na ito ang magsalaysay ng aming journey from the first day. Ito ay para sa mga nag-aabang ng update para naman mapasaya ko na sila. Wag mag-alala dahil di katulad nung mga nakaraang taon, wala na akong sori na hindi nakapagpost ng pictures. Hahaha. 

Preparasyon para sa malakihang wedding reception: 







Abangan ang mga susunod na kaganapan!



Mar 19, 2014

Vivid Dreams O Freaking Nightmare?

Wow! Ang tagal na panahon na pala mula nung huli akong nagsulat dito. Pasensya na kayo mga blogkada, sadyang may mga panahon na kailangan nating huminto sa mga nakasanayan nating gawin upang pagtuunan ng pansin ang mga mas mahahalagang bagay sa ating buhay. Pero, anu't ano pa man, eto na naman ang inyong lingkod para muling magbalik kwento sa kanyang buhay buhay at karanasan nung mga panahong sya'y pansamantalang nawala.

Ano nga ba ang mga kaganapan sa akin?

Unang una, kung naaalala ninyo ung post ko na kasalukuyan pa akong nangangarap at nananalangin na magkaroon na ng baby, guess what?? Oo, tama ka. Ako nga'y buntis na! Ipinagkaloob na din sa wakas ng Panginoon ang aking kahilingan.. ;)

Sa totoo lang, hanggang ngayon, hindi pa din ako makapaniwala na may isang mumunting buhay na namumuo sa aking sinapupunan. Maraming masasayang thoughts ang naglalakbay sa isip ko mula nung dumating sya ngunit meron din namang mga pag-aalala. Siguro talagang normal yun lalo na at first time ko ito.

Para naman mapatunayan ko na masaya ang huntahan dito sa blog ko, nais ko lang ikuwento sa inyo yung mga nakakaloka, nakakatawa at nakapagtatakang panaginip na mayroon ako nitong mga nakaraang araw na may kinalaman sa aking pagbubuntis.

Dream No. 1: Chemistry Ba Ito?

Mga pitong linggo pa lang siguro ako sa aking pagbubuntis nung napanaginipan ko ito. Sa panaginip ko, napansin ko na palaki ng palaki ang tiyan ko. Which is normal lang naman talaga at di mapigilang mangyayari at mangyayari. Ang nakakapagtaka lang ay habang tinitingnan ko ang tiyan ko, lumalaki sya in a matter of minutes! Imaginine mo na lang na para syang lobo na binubombahan ng hangin at malalaman mo na lang malaki na sya. Lumaki ang tyan ko na kasinglaki ng syam na buwan na buntis sa loob ng 15 seconds! Kaloka!

So ang mahal kong nanay ay dumating at nakita akong nagfifreak-out dahil sa aking nasasaksihan. Nakatawa lang sya at lumapit sa akin. Sabi nya, "ano ka ba anak. talagang ganyan ano?"

Maya maya pa'y hinawakan nya ang malaki kong tyan. Binuksan nya ito, (may pintuan ang tyan ko?? hindi ko ito kinakaya) at may inilabas syang dalawang test tubes mula doon. Isang kulay blue at isang kulay green. Pinaghalo halo nya ung dalawang kulay at nilagay nya sa mas malaking test tube, ibinalik sa tyan ko at isinara ang pinto nito.


Sabi nya, ayan, maya maya lang ay magle-labor ka na. Nakatanga ako sa kanya at di makapaniwala sa kanina lamang na ginawa nya sa akin. Chemistry na ba ngayon ang pagbubuntis??? Tanong ko sa isip ko.

Magsisimula na sana ulit akong magfreak-out nang tumunog ang alarm clock ko at nagising. Buti na lang at panaginip lang ang lahat.

Kayo sa palagay nyo, anong ibig sabihin ng mala-siyensya kong panaginip?

HANGGANG SA MULI!

Photobucket

Sep 1, 2013

Ang Masasabi Ko sa Pork Barrel Scam

Naiiyak ako sa katotohanang may pag-asa pala talaga ang Pilipinas na umunlad. Ang akala ko talaga mula nung trese anyos lang ako, nung mga panahong lugaw lang na may asin ang kinakain namin na pamilya dahil sa hirap ng buhay; nung mga panahong tinatanong ko ang sarili ko bakit nagkalat ang mga taong lansangan, walang matirhan at mapaliguan man lang; matinding problema sa polusyon, trapiko at kahirapan. Pero mula nang pumutok ang pork barrel scam, na bilyon bilyong piso ang kinakamkam na dapat ay sa magagandang proyekto napupunta! Sinisi ko ang mga politiko na halos lahat yata sila ay nagnanakaw sa mamamayan. Habang lalong akong namumulat, ang bilyon pala na yun ay talagang tayo ang nagbibigay sa knila. Tayong mahihirap na kinukunan ng napakalaking tax mula sa lahat ng ating binibiling pagkain, kagamitan, serbisyo at kung anu ano pa. Isipin nyo na malaki pala talaga ang tax kung titignan ang mga resibo?? Nakakapanggalit! 

Pero ito ang napatunayan ko. Ang pagbabago ay talagang magsisimula sa bawat isa. Dahil hindi lang mga pulitiko ang corrupt kundi kung minsan mga simpleng tao din. Masasabing korapsyon din ang panlalamang sa sobrang singil ng mga sasakyan, tindera, at kung sino pang nagpapalakad ng negosyo. Sa hindi tamang pagbabayad. Sa hindi tamang pagbibigay ng serbisyo ng mga ahensya. Marami! 

Aking hiling na sana, sana dumating ang panahong ang bawat isang Pilipino na nagmamahal na tunay sa bansa at sa kapwa Pilipino ay maging tapat, malinis ang hangarin at may pagmamalasakit. 

Hindi pala pera ang problema ng Pilipinas. Kayang kaya nating umunlad at mapabilang sa mauunlad na bansa kung maayos ang bawat isang Pilipino. 

Aaminin ko, labingwalong taong gulang na ako ngunit ngayon ko lang lubusang naunawaan at namulat sa katotohanan sa tunay na nangyayari sa bansa. At totoong naiiyak ako dahil may pag-asa talaga ang Pilipinas! Meron! Ayokong mawalan ng pag-asa. Ayoko. Dahil umaasa pa din ako na ang mga Pilipino tulad ko sa pangkalahatan ay magsusumikap na magtulungan para sa maganda at maunlad na bansa. 

Natutuwa ako sa naganap na million people march na isinagawa sa maraming lugar maging sa ibang bansa. Katunayan lamang na mahal pa din natin ang bansa at patuloy nating itinataguyod anv pagkakaisa. 

Ngayon, mga pulitiko kayo na kasangkot sa malaganapang pagbubulsa ng kaban ng bansa. Panahon na iwanan nyo ang pwesto nyo. Wala kayong pagmamahal sa bansa! Sarili lang ang naiisip nyo! Hindi kami kailanman magpapaloko pa sa inyo. Lumalabas na ang katotohanan. Wag lang sanang maluto pa!!! 

Feb 19, 2013

Nag-uumigting na Hangarin

Nitong mga nakaraang araw ay bigla ko na lang naramdaman ang kagustuhan kong maging nanay na din. Kung nung mga nakaraan ay wala pa sa plano ko ang magbuntis ngunit dahil sa operasyon na pinagdaanan ko, isang realisasyon ang dumating. Hindi na dapat pang magpaliguy ligoy pa. Kailangan ko ng maging ina.




Ilan na din kasi sa mga kaibigan ko ang mga happy moms na, at yung ilan ay mga expecting na din, at napakasaya ko para sa kanila. Sa mga status nila sa facebook, nagwonder ako. Kelan kaya na ako naman ang magpost na mga katagang na, "im pregnant!" Sa totoo lang, hindi ko pa ito hinangad right after na ikasal kami ng asawa ko. One year na kami ngayon, going two years by June at sa wakas, nag-uumigting na ang excitement at paghahangad sa puso ko na magkaroon na din ng sarili kong baby. Naiyak pako kahapon sa prayer ko habang hinihiling ko sa Panginoon ang bigyan nya na ako ng baby. Honestly, narealize ko din na ang pagbubuntis ay pinaghahandaan. Lalo ngayon na kailangan ko pa nga ng panahon para gumaling ng husto pagkatapos ng aking operasyon. Ika-anim na Linggo ko ito post-operation. Ayon sa aking OB doctor, we can start trying in 2 months time but I doubt that I need a couple more months to wait in order for my uterus to heal totally. At least 3-6 months para lang ma-avoid ang anumang infection or risks like miscarriage and all. Sabi nga nila, better wait than sorry. After all, I wont risk my health. Magaling ang doctor ko at super iningatan nya ang uterus ko sa operasyon pero sa pakiramdam ko ngayon, hindi pa handa ang katawan ko sa pregnancy. But hopefully, mabilis na lilipas ang panahon para sa time frame naming mag-asawa.

Sa ngayon, pinaghahandaan ko at pinag-aaralan ang katawan ko para sa pagbubuntis. Nagbasa basa ako ng mga helpful articles para malaman kung kelan ang ovulating days ko dahil sa napa-irregular kong menstrual cycle. In this early months kahit di pa kami trying to conceive dahil sa hindi pa pwede, ay may ginagawa na kong hakbang. I feel energized and hopeful for this! At naniniwala akong sa mga susunod na panahon, ang mababasa nyo dito ay updates na ng aking pagbubuntis. Andito na talaga ang hangarin sa puso ko na magkaroon na din ng aming little bundle of joy. And I claim it in Jesus name! At matatawag nyo na din akong, Mommy Ning!

God bless sa inyo! Aking hiling na mai-grant din ang desires ng inyong mga puso. Amen!

*imaheng hiram via google
Photobucket

A Song for my Blog Friends

Hello mga teh! Isang awit ang alay ko sa inyo. Namiss ko na kayo e. Sana'y magustuhan nyo! My own version of "I'll Be There...