Oct 22, 2011

Ang Sexy Talaga ng Boses ni DJ Chacha

Tuwing gabi, nakahiligan ko nang makinig sa radio segment ni DJ Chacha sa Tambayan 101.9. As in, gabi-gabi na to. Wala na ngang mintis eh, na kahit nakaonline ako, ang mobile phone ay naka-tune in kay DJ Chacha. Avid na to, to hayest lebel na. At cute pala si Chacha ha? In fairness!


Yun lang, nakakaasar ang caller kagabi. Aba eh, kinse anyos pa lang namumrublema na sa lablayf? Imbes na isipin ang pag-aaral? Jusmio! At tinanong pa si DJ Chacha kung anong magandang gawin, eh di siyempre ang sabi ng DJ eh i-break na kung palagi lang din silang on and off sa relasyon. Diba? Kasora lang kasi ano ba? Super depressed sya. Natatawa na lang ako dahil super napika ang DJ sa bata kasi nga naman eh kinse anyos lang. Pumuproblema na nang ganuon. Sakit lang sa ulo. 

Hay! Mga teenager nga naman. Well, pinagdaanan ko naman ito kaso di ko naman pinrublema to the point na depressed na ang kapusuan ko. Kung kapatid ko lang yon, naku, sangkarumakot na kurot sa singit ang aabutin nya sakin. Talaga! I mean, haler! May gatas ka pa sa labi Ineng! (^__^) 


Ikaw? Nakinig ka ba? Kinaya mo yung caller? Kay Budoy na lang ako. (yung caller na inaliw ang mga listeners) ;)


Photobucket

Oct 19, 2011

Botohan sa Damuhan!


Kagagaling ko lang sa Damuhan na pag-aari ni Bino. Natapos na din ang mga panayam at pag-feature sa mga bloggers sa nag-uuminit na mga tanong sa Hot Seat. Haha. Ilan lang ang mga nabasa kong panayam sa kanila kaya pumili lang ako sa mga nabasa ko ng iboboto ko sa mga nasalang sa Hot Seat. 

At siyempre pa, bumoto nga ako. Ang totoo, kagagaling ko lang dun. Tatlo lang ang pwedeng iboto kaya binoto ko na ang mga na-feature na bloggers at napaso sa Hot Seat, na eventually ay naging mga kaibigan ko at mga dumalaw dito sa pahingahan kong site!

Eto sila!

Ikaw, sinong mga binoto mong Blogger of the Year sa munting pakulo ni Bino?
Photobucket

Oct 13, 2011

Ang Pasaporte'y Napasakamay Na!

Pilipinas-Logo-Pasaporte ang unang makikita sa cover ng bago kong pasaporte o e-passport na ngayon kung tawagin! Yee! Nagdiriwang ako dahil napasakamay ko na din ang pasaporteng inaasam. Hihi. c",) Matagal-tagal ko din kasing pinrocess ito. Kinailangan ko munang mag-ipon ng mga valid ID's upang makapag-apply nito. Gayunpaman, sabi nga, kung may tiyaga, may nilaga! 

Eto nga pala, kung ikaw ay wala pang pasaporte at nagbabalak kang kumuha, ito ang mga kinakailangang dala mo bago ka pumunta sa Department of Foreign Affairs (DFA):

1. Birth Certificate na galing sa NSO. (Pwede kang kumuha nito in person o via delivery dito http://nso.citizenservices.com.ph/)
2. Dalawang (2) Valid ID (Voter's, SSS, Driver's License, BIR o TIN Card, PRC Card, Company ID, Student ID, at iba pang digitized identification card na merong picture mo at mga detalye tulad ng buong pangalan, address, edad, lugar at araw ng kapangakan, etsetera, etsetera. Hangga't maaari ay government issued IDs ang dala-dala mo.
3. Iba pang supporting documents tulad ng School Records, NBI Clearance, Marriage Contract, o kaya naman mga lumang ID na hindi mo na ginagamit dahil ito ang sasalba sayo kung wala kang Voter's o SSS ID. 

Dahil wala pa akong maipakitang Voter's ID at SSS, tinanggap nila ang Teacher's ID ko (SY 2009-2010) at SSS Form E-1, (kulay pink na form ito na nagpapatunay na may number ka na sa SSS). Dahil sa mga 'to, binigyan nila ako ng passport. 

Ito naman ang mga tips para papasukin ng guwardiya na siyang una mong makakaulayaw sa DFA:
  • Huwag kalimutang dalhin ang printed appointment paper mo (galing sa internet ito at dun nagpapaiskedyul ng appointment sa DFA website www.dfa.gov.ph ) pati ang email notification ng iyong schedule.
  • Huwag na huwag kaligtaan siyempre ang mga requirements!
  • Isnabin ang mga fixers o yung mga nagsasabing tutulungan ka sa pag-aapply mo ng passport, dahil hindi mo sila kailangan. Naglipana at nagkalat yan sila sa paligid ng DFA. Kaya beware!
  • Maging masunurin sa mga panuntunan ng mga guwardiya. Bawal ang anumang pagkain o inumin. Nakalusot lang ang mineral water ko dahil nasa loob ng jacket ko. Hihi. Oo sige, pasaway nako. Sumunod sa mga pila at siguraduhing nakapila ka kasama ng mga aplikanteng kapareho ng oras ng iyong appointment. 
  • Magdala ng pambayad siyempre! P950 para sa regular (30 days) at P1,200 para naman sa rush processing (15 days).
  • Matutong maghintay! Ang buong prosesong ito'y gugugol ng 30 minutos hanggang isang oras lang naman. Bumalik na lang sa DFA sa araw ng release ng iyong pasaporte o kaya naman hintayin ang delivery sa mismong bahay mo kung ito ang mas gusto mo. Ito ang ginawa ko at naipadala nga sa akin mismong the next day na natapos magawa ang passport ko. Pero siyempre may karagdagang bayad para sa koreo o serbis padala.

Ayan mga ka-berks! Sana ay nakatulong itong blog ko sa inyo!

Happy lang ako at nakadating na ang aking pasaporte ngayong hapon! Ibig sabihin, ready na kong mag-fly fly sa December para lang magbakasyon! Hihi. Ajah! 
Photobucket

Oct 10, 2011

Ako na ang Disappointed!

Huhu.. Medyo disappointed ako mga dear friends. Hanggang ngayon something is not right with mylot. Akala ko, ako lang ang nakakapansin o nakakaranas. Ayun, ayon sa iba, dahil daw sa glitches na lately ay meron sa mylot. Sana lang soon, maiayos na to dahil excited na akong makita ang earnings ko! Andun na ko eh. Reach na reach na ang payout! Nagtrabaho talaga ko dun hangga't merong mga discussions at nagrespond sa mga taong sumagot sa mga discussions ko. Hay! Talaga naman oh! Kung kelan naman abot na abot na ang tagumpay saka naman nagkaron ng aberya. Anyway, patient pa din naman ako, kasi ever since hindi pa nagkulang ang mylot sa mga tumatangkilik. Nagbabayad at nagbabayad sila talaga. Okay! Patient naman akes!

Ikaw, kumusta ka?

Photobucket

Oct 5, 2011

Kikita na sa Wakas sa Mylot!

Hello mga kapuso! Eto ako't nagbabalik upang makipagchikahan lang sa inyo. Ang saya ko  dahil sa wakas, may nakita na din akong several dollars sa Paypal account ko! Yey! Ang saya diba?

Well, nakuha ko yung dollars na yun sa pamamagitan ng sponsored reviews. Tinanggap ko ang isang job offer nila at matapos kong gawin ang assignment, nagnotify ang paypal thru email na na-send na ang aking payment!

At, eto pa. I'm a dollar away para ma-reach ang minimum payout ko sa Mylot kung saan  nag-eenjoy ako makipag-discuss sa mga kapwa ko mylotters. Once na natanggap ko ang payout, manlilibre ako! Hihi. EXCITED MUCH!

Kung gusto nyong alamin kung pano kumita sa mylot, click nyo lang to:http://webupon.com/money-making/make-money-with-mylot-com/


AT kung nangangati ka na ding sumali, ito naman ang i-click mo: 


Kayo? Saang mga sites kayo kumikita? Share nyo naman!
Photobucket
Related Posts Plugin for WordPress, Blogger...
anak asawa at home ka dito await award na natanggap awit baby plans bagyong Pedring baha bakasyon balikong pananagalog Bata Bata Paano Ka Ginawa batang lansangan bathing ministry batutay bayad online Bicol bidang bida ang tawas birthday blog designing blogger blogger hot seat blogger of the year blogkada ang sasagot buhay titser Cabanatuan City Carlo Aquino casio piano chikahan comedy cute fonts damuhan damuhan.com di malilimutang karanasan di na bata disappointed dismayado DJ Chacha dumplings earn online fan signs farm gladliness grace graduation happiness Hawak Kamay cover hektik iskedyul Hualien ina inaantok japeyk nga ba? joy kabusyhan kahihiyan kahilingan kaibigan kaibigang tunay komedyang pang-priskul kuwento kuwentuhan kwentong bakasyon libreng badge lugar na Poracay ang pangalan mabisang gamot sa singaw magulang maraming tenk you masamang pakiramdam meme movie review munting pakulo munting pangarap mylot mylot earnings napahiya ningning opinyon original designs pagkain pakulo ni bino palatandaan ng antok pamamalat pampaputi ng kili-kili panaginip pananaw paraan ng pagkuha ng pasaporte pasaporte Pasko paypal pelikulang Pinoy piano pictures Pilipinas playing piano Porac Pampanga Poracay Poracay Resort Pork barrel scam PR2 praybeyt benjamin radio station repleksyon requirements para sa passport application sahod sakit sapatos scrapbook designs Serena Dalrymple si lelang at si bunso sikat simbahan sine singing street children sunshine blog award survey ni Ning tagalog Taiwan talento tambayan 101.9 tawang wagas tawas teleserye tofu traditional costume tricycle capital of the Philippines tulog ubo vice ganda Vilma Santos walang gana wednesday whites
 

Rona's Home Blog Copyright 2011 Designed by Rona