Sep 18, 2011

At Home Ako Dito!

Hello sa inyo!

Nagtataka siguro kayo kung bakit ako gumawa nito, well, dahil gusto ko lang magkaroon naman ng blog gamit ang Tagalog. Namiss ko kasi ang magsulat ng Tagalog. At mainam din ang ipagmalaki ang sariling atin, di ba? Kaya eto, ginawa ko 'to para naman mag-enjoy din akong magsulat sa sarili kong wika. Magkukuwento ako ng mga pangyayari sa buhay buhay ko dito, kasama na mga karanasan, pag-ibig, kuro-kuro at kung anu ano pa. Dito, alam kong mag-eenjoy ako. Kaya kung ikaw, gusto mo kong salihan, at home ka din dito, magkuwentuhan tayo.


Asahan n'yong updated ang blog na'to palagi dahil mas masarap pa din magsulat nang Tagalog na hindi nai-istress kakaisip kung tama o mali ang grammar. Magiging pahingahan ko ito pagka gusto kong maaliw-aliw muna kakasulat sa mga iba ko pang blogs. Writer kasi ako sa Triond at duon kumikita na din kahit papano, isama pa dyan ang tatlong iba ko pang blog dito sa Blogger. 

O pano? Umaasa ako sa kuwentuhan natin. Siguraduhing maraming baong bagong kuwento sa pagbisita nyo nang mag-chikahan tayo.

Sa uulitin!

Ningning/Ronadelle

PS: Tawagin nyo na lang akong Ningning pagka nandito tayo sa At Home kong blog. Yan kasi ang palayaw na binigay ng nanay ko sakin. Oo, alam ko, hindi na bagay sa edad ko pero mahal ko pa din ang tawaging Ningning at diyan sa pangalan na yan ako mas kilala ng mga malalapit sakin. ;)


No comments:

Post a Comment

Magreact ka lang!

A Song for my Blog Friends

Hello mga teh! Isang awit ang alay ko sa inyo. Namiss ko na kayo e. Sana'y magustuhan nyo! My own version of "I'll Be There...